Vawk thi ṭanpuina mi 166 pe tawh

Saitual DC pisa chuan vawk vulhtu mi 166 hnenah African Swine Fever (ASF) vanga vawk thi chhawmdawlna thawh khatna atan Rs 14,80,000 a pe tawh a; a thawh hnihna tur sum an nghak mek.

Sorkar thuchhuah tarlan danin, State Disaster Response Fund (SDRF) hnuaia State Specific Disaster for ASF aṭangin ASF vanga vawk thi pakhatah chhawmdawlna Rs 4,000 zel pek theih a ni a, chhungkaw pakhat tan a tam berah vawk thi paruk chhawmdawlna lak theih a ni.

Saitual district-a chhawmdawlna first instalment-ah hian Rs 14,80,000 pek chhuah niin, ṭanpuina pek tawhte chu mi 166 an ni a; second instalment chu Disaster Management & Rehabilitation department aṭanga sum hmuh a nih veleh pek leh a ni ang.