Sawhthing sâwngbàwlna din turin firm 3-in Mizoram sorkarah darft MoU an thehlut tawh

Sawhthing sâwngbàwlna (processing unit) din turin company pathumin Mizoram sorkarah draft memorandum of understanding (MoU) an thehlut tawh. Draft MoU-te chu sorkarin a zir chian hnuah processing unit dintu tur thlan a ni ang.

Chief minister Lalduhoma kaihhruaiin nimin khan a pisaah Empowered Committee for Investment an ṭhukhawm a, Mizorama sawhthing processing unit dintu tur chungchang sawiho a ni.

Ṭhutkhawmah hian processing unit din turin company pali - SJAR Consulting Pvt. Ltd (Aizawl district), Opickpure Organic Pvt Ltd (Khuangleng, Champhai district), AV Biotech (Chhingchhip) leh, Panacriti Extracts & Nutraceuticals (Mamit district - PPP mode) te chungchang an sawiho.

Company pali zinga pathumin sawngthing sawngbawlna din turin sorkarah an draft MoU an thehlut tawh. Draft MoU-te chu sorkarin a zir chiang ang a, zirchianna aṭangin processing unit dintu tur an thlan dawn a ni.