Zirtirtu pek an nih tâk avangin Lungtian-in kawng dan an ṭhulh

Lungtian Joint Coordination Committee chuan an khuaa Modern High School zirtirtu sawn chhuah a nih avangin transfer order sût emaw, a aiawh mi dang dah tur emawin sorkar an phût a; sorkar karna atana vawiin aṭanga kawng dan an tum chu zirtirtu dah thar a nih dawn avangin an ṭhulh.

Lungtian JCC hian an thil phût tihlawhtling tura sorkar nawrna atan June 9, 2025 aṭang khan Modern H/S-a zirlai leh zirtirtu sikul kai turte an dang a; sikul dan chuan awmzia a neih loh chuan vawiin aṭangin total bandh huaihawt a, BRTF kawngpui dan an tum a ni.

Mizoram sorkar chuan Modern H/S aṭanga mathematics zirtirtu an sawn chhuah tak aiawh turin mathematics zirtirtu tho a dah dawn a, hei vang hian Lungtian JCC chuan kawng dan an tum an ṭhulh ta a ni.