Lirthei hûnna hmun enfiah

Lunglei Municipal Council (LMC) vice chairman K Lalrinawma, Parking in-charge leh Lunglei Venglai Local Council hotute chuan nimin khan Venglaia kawngpui sira lirthei hûnna (parking) hmunte an endik.

LMC Vice Chairman leh Venglai LC-te hian Venglai huam chhung hmun area hrang hranga auto rickshaw leh taxi stand te, public parking-te leh kawngpui sira dan loha lirthei hûn ṭhinte an endik a; kawngpui zauhna atana tuihâwk luankawr (side drain) chung khuhna siam ngaite an en nghal bawk.

Endiknaah hian LMC Vice Chairman leh Venglai LC member-te bakah, LMC Ward-IV counsillor R Lalramzauva leh Traffic police hotute an tel a ni.