Tlawng luiah lirthei a tla

Nimin chawhnu dar 2 vel khan Sairang Dinthar huam chhungah truck AS-24 AC-3618 a tlân liam a, a thlanga Tlawng luiah a tla lut; nimin tlai thleng khan lirtheia chuang hmuh an la ni lo.

Thu dawn danin, truck hi nepnawi phur a ni a, lirthei chetsual thu hriat a nih hnuah mi tlawmngaite'n hrui hmanga uai thlain lirthei chhung an enfiah a, awm an awm lo. Tlawng luiah an tla nge, an tlanbo tih he thu ziah lai thleng hian hriat a ni lo.

Lirthei registration number hi an chhui zui turin Sairang Police Station-ah pek a ni a, police-te'n an chhui zui a ni.