Khaw 22-ah Project Rotling kalpui mek

Rural Development & Adminitration (RDA) minister Prof. Lalnilawma kaihhruaiin nimin khan a pisaah sorkar hotute'n Mahatma Gandhi National Rural Employment Guarantee Act (MGNREGA) hnuaia 'Project Rotling - Hmasawnna Rahbi Thar' kalpui dan an thlir lêt a; khaw 22-ah hmalak mek a nih thu an tarlang.

Project Rotling - Hmasawnna Rahbi Thar hi June 27, 2024 khan RDA Minister-in a hawng a; Mizorama Rural Development (RD) block 28 aṭangin concept paper 84 a lut a, chu'ng paper aṭang chuan a ṭha zual 15 thlan niin, khaw 22-ah hmalak mek a ni.

Project Rotling hnuaiah hian short term category - kum khat chhunga thawh zawh tur te, medium term category - kum 2/3 chhunga thawh zawh tur leh, long term category - kum 5 chhunga thawh zawh turte a awm.