VKSA campaign khârna hun hmang

Ministry of Agriculture & Farmers Welfare hnuaia kalpui mek Viksit Krishi Sankalp Abhiyan (VKSA) campaign chu May 29, 2025 aṭang khan ram pumah hman a ni a, Kolasib-ah chuan nimin khan KVK hmunah khârna hun hman a ni.

KVK, Kolasib-a VKSA kharna inkhawmah hian a kaihhnawih department hrang hrang hotute an tel a, KVK subject matter specialist PC Lalrintluanga'n kaihruaiin, Kolasib bawrhsap Robert C Lalhmangaiha'n a hmanpui.

KVK, Kolasib head & senior scientist Dr Michelle C Lallawmkimi'n report a pek danin, VKSA campaign chhungin Kolasib district-a khaw 60-ah mithiamte feh chhuakin, kut hnathawktu mi 7,274 hnenah thlai chi hrang hrang chin dan leh enkawl dan an zirtir a ni.