Champhaiah gas sem tur endik

Champhai district bawrhsap mawhphurhna la mektu K Zorammuana, additional DC leh DCSO CC Sakhawliana leh an thawhpuite chuan nimin khan New Champhaiah eirawngbawlna gas sem chhuah tur an endik a; gas búr bûk tling lo an hmu lo.

Gas sem chhuah tur endiknaah hian sorkar mite bakah, Champhai District Consumer Union aiawhte an tel. Gas sem turte chu mipui hnena pek chhuah a nih spring balance leh digital weighing machine hmangin endik vek a ni a, bûk tling lo hmuh a ni lo a ni.

K Zorammuana chuan, gas agency-te chu point-a gas an sem dawnah gas búr bûkna (spring balance) keng ngei turin a chah al gas bûk tling ngei chauh an lak theih nan gas lak turte chu bûktir nachang hre turin mipui a chah bawk.

CC Sakhawliana chuan, gas bûk tling ngei lak chu mipui chanvo a nih thu sawiin, Champhai district-ah LPG home delivery veng ṭhenkhatah kalpui mek a nih thu leh veng tam zawka kalpui tura hmalak mek a nih thu a sawi.