Aizawl dist-a chhiatna thleng thlir lêt

Aizawl District Disaster Management Authority (ADDMA) chu nimin khan an chairman Lalhriatpuia, bawrhsap kaihhruaiin Aizawl DC conference hall-ah an ṭhukhawm a; tun hnaia ruahsûr nasa vanga Aizawl district-a chhiatna hrang hrang thleng chungchanga an hmalak dan review meeting an nei a; zonal office, DMR Branch, DEOC leh Quick Response Team te hmalak dan an thlir.

Ṭhutkhawmah hian tun hnaia ruahsûr nasa vanga chhiatna thleng leh chhiatna hmachhawn dan te, chhiat­na thleng chhin­chhiah leh chhûtna (damage assess­ment) kalpui dan te, chhanchhuahna leh chhawm­dawlna kalpuina dan te, a kaihhnawih department-te nena thawhho dan te, ṭha zawka chhiatna thleng thei laka inven dan tur te, chhiatna tawrh nêp theih dan turte sawiho a ni.

Lalhriatpuia chuan, zonal officer hna chu tlawmngaia thawh chi a nih thu sawiin, "Zonal officer-te'n ṭhahnemngai takin in zone ṭheuh vilin in thawk tih ka hria a, lawmthu ka sawi a ni," a ti.