Current man vangin thi

PC Vanlalhluna (67) h/o Laltlanthangi, Hauruang, Lunglei chu June 14, Inrinni chawhnu dar 1:15 khan electric current man vangin a thi.

Thu dawn danin, BCM, Hauruang kohhran chu Inrinni khan an hnatlang a, biak-ina electric current an lak luhna line chinfel an duh vangin electrician PC Vanlalhluna hi an kohhran mi ni lo mah se an sâwm a ni. PC Vanlalhluna hian LT line leh biak-in line inzawmna lai a chep chat chu current-in a man a, rei lo tê a hîp beh hnuah leiah a tla thla a, Civil Hospital, Lunglei thlenpui a nih chuan a thi tawh a ni.