Assam Regiment din champha hmang

Nimin khan Governor Gen. Dr Vijay Kumar Singh hoin Aizawlah Assam Regiment din champha vawi 84-na lawm a ni a; zing karah War Memorial, Treasury Square-ah Assam Regiment sipai, ram tana nun hlantute zahna leh hriatrengna pangpar dah a ni.

Ram tana nunna hlan­tute zahna leh hriat-rengna hun War Memorial-a hman­ah hian Larsapin pang­par a dah hmasa ber a; Mizoram Ex-Services Leaque, Assam Regiment leh Assam Rifles hotute'n pang­­par an dah zui ve bawk.

War Memorial-a hun hman zawhah Lammual-ah Assam Regiment Rising Day lawm nan thingpui inhona leh inkawmhona hun hman a ni a; Larsap Gen. VK Singh chuan Assam Regiment-te chu duhsakna a hlan a, ram tana rawng an bâwl tawh­nate chhuanawm a tih thu sawiin, ṭha taka chhawm nung zel turin a chah.

Assam Regiment din champha hmannaah hian MLA Lt.Col Clement Lal-hmingthanga, Assam Rifles 23 Sector DIG Brig. Push-pendar Sorayan leh sipai bâng eng emaw zat an tel .