Hâlpuah/hàlmawi khapah khauh tum

Home minister Lalchamliana hoa nimina sorkar hotute leh khawtlang hruaitute ṭhukhawm chuan kumin  Krismas vuakvêta dan leh thupek kenkawh dan an thlir a; hâlpuah leh hâlmawi khap mek chu khauh lehzuala kenkawh an rél.

Ṭhutkhawmah hian Chief Secretary, Home Secretary, Additional DGP leh police hotu dang te, Aizawl DC, Aizawl City Local Council Association hruaitute leh Central YMA hruaitute an tel.

Covid-19 léng avangin hâlpuah leh hâlmawi hâl khapna khauh lehzuala kenkawh an rèl bakah, meithallâwn (sky lantern) pawh kângmei tichhuak thei leh power supply tikhaihlak thei a nih avangin zawrh, hâl leh chhuah khap a ni nih thu an tarlang.

Ṭhutkhawma an tarlan danin, thupek bawhchhiate chu thla 6 chhung tàntir emaw, Rs. 1,000 thleng chawitir emaw, a pahniha hrem kawp theih a ni a; thupek bawhchhiate chu ngaihnathiamna awm loa hrem ngei ni se, an ti.

General Administration Department-in thupek a tihchhuah tawh angin, sorkar hnathawkte chu hâlpuah Ieh hâlmawite hâl lo tura hriattir an ni tawh a, hei hi zawm ngei tura beisei an ni.