Mipui hnena Home dept thuchah

Home department chuan thuchhuah siamin, muanawm leh hlim taka mipuiin Krismas an hman laiin, hmun ṭhenkhatah hàlmawi leh kângmei tichhuak thei thil hàl a ni tih hriat a nih thu an tarlang a, "Hei hi sorkarin pawi a tiin a ngai thutak hle a ni," an ti.

Kum hlui thlah leh kum thar lawm hun thleng turah sorkar thupek zâwm lote chu ngaihnathiamna awm loa hrem tur an nih thu tarlangin Home department chuan, "Hremna lek turin district tina sorkar thuneitute'n chak takin ruahmanna an siam mek a ni," an ti a; hrem ngai loa hlim leh him taka kum hlui thlah tur leh kum thar làwm turin mipui an chah a ni.