Hmankhat daih plastic hman tlem inzirtir

Mamit Divisional Forest leh Save Mamit bultumin nimin khan Mamit High School-ah tuihna humhalh leh hmankhat daih plastic hman tlem inzirtirna buatsaih a ni a, zirlai 123 leh zirtirtute an tel.

Mamit divisional forest officer C Lalrinmuana chuan, tuihna humhalh leh plastic hman tlem kawngah Environment & Forest department hmalakna mai chu a tawk zo tawh lo tih a sawi a, "Zirlai naupangte aṭanga hma kan lak a ngai a ni," tiin, Mizoram leilung leh nungchate humhalh tura theihtawp chhuah turin a sawm.

He hun hi Save Mamit president Robert Zorammuana'n a kaihruai a, Mamit High School headmaster Lalramchhana'n fuihna thu a sawi bawk.