June 21 aṭangin thingtlang khaw fai endik dawn

India ram pum huapa Swachh Bharat Mission (Grameen) hnuaia thingtlang khaw 21,000-te endikna tur, Swachh Survekshan Grameen (SSG), 2025 inhrilhhriatna hun, 'State Level Workshop on Swachh Survekshan Grameen (SSG)' chu nimin khan PHE department hnuaia Project Management Unit chuan PHE E-in-C conference hall-ah an buatsaih a; June 21, 2025 aṭangin khaw fai endikna hi kalpui a ni dawn.

Sorkar laipui ruahman angin Mizorama thingtlang khuate faina lam dinhmun endikna hi independent agency - Academy of Management Studies (AMS)-te nen ṭangkawpa neih tur a ni a, Mizoram dinhmun endikna hun hi June 21, 2025 aṭanga neih ṭan tur a ni. PHE department hotute chuan thingtlang mipui zawng zawngte chu ram hmel lanna hun a ni tih hriaa ṭha taka endiktute lo dawngsawng turin an ngen.