SRH-ah Covid-19 vei pakhat Ventilator nen enkawl mek

State Referral Hospital-ah nimin khan Covid-19 vei mi pahnih dah luh an ni a, anni nen SRH-ah hian hripui vei mi 22 awm mekin, an zinga pakhat chu ICU-ah ventilator nen enkawl a ni.

SRH-ZMC Bulletin tarlan danin, SRH-ZMC ICU-a Covid-19 vei enkawl mek pakhat chu nimin khan ventilator hmantir a ni a, a chau deuha hriat a ni. Isolation ward-ah mi 21 an awm a, an zinga paruk chu oxygen pek an ni. SRH-a enkawl mek mi 22 zingah hian kum 60 chung lam mi pathum leh kum 14 hnuai lam mi pali an tel.

ZMC Covid-19 laboratory-ah nimin khan swab sample 490 vel emdik a ni a, December 27-28 chhunga lakte a ni.