Minister-in pisa a tlawh kual

Minister of state Prof. Lalnilawma chuan nimin khan Mamit khawpui chhunga a department chan hrang hrangte pisa a tlawh kual.

Prof Lalnilawma hian PHE, DRDO leh LAD office-te a tlawh a, thawktute'n lo dawngsawngin, hna kal mek leh hmachhawp awmte an lo thlen.

PHE office complex-ah Prof. Lalnilawma hian thing a phun a, sik leh sa inthlak danglam zelna khawvelah thingphun uar ṭheuh turin a chah.

Prof. Lalnilawma hian DRDO leh LAD pisate a tlawhnaah thawktute fuihna thu sawiin, "Ram leh khawtlang tana hnathawk in nihna hre rengin, nangmahni dawrtu mipuite hriat duh leh harsatna an neihte ngaihthlak saka sutkianpui an ngaihna àwmah mipuite ngai pawimawh ang che u," a ti.