Zirlaite fuihna hun buatsaih

Sihphir Youth Club chuan nimin khan Holy Angels auditorium-ah, zirlai tiṭhate leh eizawnnaa hlawhtlingte chawimawina leh career awareness campaign programme an buatsaih a, Assembly deputy speaker R Lalrinawma, bialtu MLA-in a hmanpui.

R Lalrinawma chuan, tumruhna leh dawhtheih-na a pawimawh thu sawiin, "Mahni inhriat chian hi a pawimawh em em a, eng subject zir mi nge ka nih tih leh eng kawng nge ka zawh ang, tih ngaihtuah ngun a ngai hle," a ti a; zirlaite chu neitu thinlung pua Zoram tan miṭangkai tak ni turin duhsakna a hlan.

Inkhawmah hian chaw-hnuah Vanglaini editor K Sapdanga, Labour Welfare Board asssistant commissioner, Francis Lianmawia leh Mizoram Youth Commission secretary Lalsawmzuala ten zirlaite hma lam hun atana hriat tur pawimawhte an sawi a ni.