Opium Kg 15.478 man

Excise & Narcotics dept. hnuaia anti narcotics squad leh SRS ṭangkawp chuan, Nilaini zan dar 9:30 khan Bawngkawnah opium kg. 15.478 an man a, a neitua puh Lalramchhuana Ralte (52) s/o Hmartawna (L), Bawngkawn, Lunglei road-a cheng nia insawi an man tel nghal.

Opium-te hi packet 14 leh khaini bur sariha dah a ni a, Lalramchhuana Ralte chuan Manipur aṭanga rawn lakluh niin a sawi. Opium hi tual-chhunga hralhna ang chuan Rs. 15,50,000 man hu a ni. Lalramchhuana hi thubuai siamsak nghal a ni.

Thudawn danin, tun ṭuma opium man hi Mizorama ṭum khata opium man tam ber a ni.