Bru enfiah chhunzawm

Tripura Bru relief camp-a awm Mizoram Bru-te November thla tàwp lama hruai kirna tura Bru enfiah hna chu nimin khan Kaskau camp-ah chhunzawma ni a, nimin bikah chhungkaw 189-a mi 1,235 enfiah an ni.

Nimina enfiah zinga chhung-kaw 177-a mi 1,146-te chu Mamit district-a mi an ni a, a bak chhungkaw 12-a mi 89-te chu Kolasib district-a mite an ni. Kaskau camp-ah hian November 2-ah enfiah hna ṭan a ni a, vawiinah chhunzawma zawh a ni ang. November 2-ah chhungkaw 83 enfiah an ni a, nimina enfiah nen chhungkaw 272 enfiah tawh an ni.

November 7-ah Khakchangpara-a mite endik an ni ang a; November 9-10 ah Hamsapara-a mi te, November 11-14 ah Asapara camp-a mi te, November 15-18 inkarah Naisingpara camp-a mite leh November 21-ah Hazachera camp-a mite enfiah an ni ang.