Boruak muanawm dan tur rel

Krismas leh kumthar vuakvêta Kolasib district chhunga boruak muanawm leh thianghlim a awm theih dan tur ngaihtuahin, nimin khan Kolasib DC H Lalengmawia hoin DC conference hall-ah sorkar official-te an ṭhukhawm.

Kolasib SP C Lalzah-ngoa chuan, nikumah Krismas leh kumthar vuakvêtah sumdawnna lirthei khalhtute uluk taka endik an nih avangin lirtheia chetsualna lian tham pumpelh a nih thu a sawi a, "Kuminah pawh sumdawng lirthei, a bikin mihring phurtu khalh-tute uluk zawka endik leh tum a ni," a ti.

Meeting chuan, Krismas leh kumthar vuakvêtah puak thei thil leh naupang silai lem, a mû kap chhuak thei khapna thupek chhuah a, khapna thupek bawhzui a, a hlawhtlin ngei theih nan dawrkaite uluk zawka endik ni se, an ti.