Street Vendor Act chungchang zirho

Champhaia Urban Development & Poverty Alleviation (UDPA) department chuan, November 2, 2016 khan Champhaiah V/C-te pual-in Mizoram Street Vendor Act zirhona an buatsaih.

Training-ah hian Champhai DUDO V Lalmuanpuii'n Steet Vendor Act a sawifiah a, "Kawng sira inphote kaihhruai-na dan hi Champhai khawpuia hmang turin hun rei tak chhung rua-hmanna kalpui tawh a ni a, an ṭhutna tur pawh rîn fel tawhin, mi 56 inphona tur rîn chhuah a ni," a ti.

Training-a tarlan danin, Street Vendor Act hi NULM hnuaia component pakhat a ni a, kawng sira inphote eizawnna humhalh rualin, khaw-tlang tana hnawksak an nih lohna tura an eizawnna kalpui chu a tum a ni. He dan hi a taka hman a nih hunah chuan hma latu tur berte chu V/C-te an ni ang.

Street Vendor Act hnuaiah hian kawng sira inpho ṭhinte
chu sorkarah an inziak lut tur a ni a, inziak lutte tan bank-ah a pung tlem zawkin loan an pûk theih dawn bakah, an eizawnnaa mamawh tur thil hrang hrang chu sorkarin a tumsak dawn. Iphona tur bâwr velah an awlsamna turin inthiarna, tui leh thil dang dah theih a nih bawk dawn avang-in mipui náwlpuiiin an chhawr ṭangkai beisei a ni.

Street Vendor Act hnuaiah kawng sira inpho tura dilna theh-lut mi 100 chuang an awm tawh a, inphona tur 56 chiah a awm thung. Inpho turte priority list pek dan turte bakah, inphona hmun siam belh theih dan tur chungchangte training-ah hian sawiho a ni.