Uniform cadre-te chawi sang zel turin ruahmanna siam chhoh zel a ni - HM

14th Batch Jail Warder Training passing out parade chu nimin khan CTI, Sesawngah buatsaih a ni a; hun hmanpuitu Home minister K Sapdanga chuan uniform cadre-te chawi sang zel turin ruahmanna siam chhoh zel a nih thu a sawi.

Home Minister chuan, uniform hi khawvelah thil zahawm pawla sawi a ni ṭhin tih sawiin, "Uniform hian ken tel a nei a, ṭha taka uniform kan hak hian thupek a keng tel nghal. Khawtlang nunah zahawmna min siam a, uniform hak tur ni-a ha taima turin ka fuih che u a ni. Uniform Cadre-te dinhmun chawisan zel a nih theihna turin kan hotuten ruahmanna an siam chho zel a, uniform cadre hian ngaihsan a hlawh chho leh mek," a ti.

K Sapdanga chuan lehkhathiam tak takte hnen aṭangin home guard dilna an dawng reng tih a sawi a, "Tun hnaiah police kan la zo hlawt a, mithiam tak tak, degree sang tak tak neiten an rawn dil nasa hle a, degree sang apiang an tling hran lo," a ti a, tlin tuma theihtawp chhuaha beituten hlawhtlinna an chan thu a sawi.

Training ngai lo khawpa buai chu thil atthlak tak a nih thu sawiin K Sapdanga chuan, "Kum chawhnu lamah MLA-te kan han ni ve a, ni thum training kan neihte kha tun thleng hian ka hlawkpui hle a ni. In training-ah dan leh hrai leh jail inkaih­hruaina dan in zir zawng zawngte pawh hi in pension thleng­in a la ṭangkai ngei ka ring," a ti.

14th Batch Jail Warder Training passing out parade hi Home secretary Vanlalmawia pawhin a hmanpui a; CTI Commandant kaihhruaiin trainee-te'n rinawmna thu an tiam a ni.