Minister-in Health Clinic thar a hawng

Health & Family Welfare minister Lalrinpuii chuan nimin khan Sairang Dinthar Health Clinic building thar a hawng a; Sairang PHC leh Central Medical Store, Zemabawk a tlawh nghal bawk.

Lalrinpuii chuan, Sairang Dinthar-in health clinic thar an nei chu a lawmpui thu a sawi a, "Sorkar chuan health clinic centre thar hawn mai bakah sub-centre aṭanga district hospital thlenga tihchangtlun a tum a, hei hian khawpuia damdawi-in tawt lutuk leh indaih lohnate a phuhrûk theih ngei kan beisei," a ti a; ICU leh health worker indaih lohna sukiang tura sorkar hmalaknate a tarlang.

Bialtu MLA TBC Lalvenchhunga, adviser to CM pawhin thu sawiin, health clinic chu khawtlang tana rohlu leh chhawrnahawm tak a nih thu a sawi a, "Health clinic thar neih theih nana khawtlang hruaitute inpekna leh mipui ṭanrualna a chhuanawm takzet," a ti a, Sairang Dinthar mipuite chu clinic hi hmang ṭangkai turin duhsakna a hlan a ni.