Electoral roll-ah kim taka inthun theih dan tur sawiho

Hnahthial District Monitoring Committee on Accessible Election chu an chiarman K Vanlalruati, bawrhsap kaihhruaiin nimin khan an ṭhukhawm a; rualbanlo (PwD) leh kum 85 chung lam (senior citizens)-te electoral roll-ah kim taka thun an nih theih nan leh awlsam zawka vote an thlak theih nana hmalak dan tur an sawiho.

Ṭhutkhawmah hian PwD leh senior citizen huanga awm thei si, Election Commission of India (ECI) hnuaia chhinchhiah ni si lo an awm chuan BLO ṭheuhte hnenah hriattir turin district mipui an chah a ni.

ECI chhinchiah danin, Hnahthial district-a MLA bial pakhat (South Tuipui) chhungah voter 16,437 an awm a; chu'ng zinga 61 (0.37%) chu PwD niin, senior citizen 78 (0.47%) an awm. South Tuipui bialah hian vote thlakna polling station 27 a awm a, PwD awm lohna PS pariat leh senior citizen awm lohna PS pasarih a awm a ni.