School syllabus atan rawtna thlen

24th June, 2025

Mizo Students' Union (MSU) Gen.Hqrs hruaitute chuan nimin khan State Council of Educational Research and Training (SCERT) director Caroline Zoramthangi a pisaah an hmu a; SCERT-in school syllabus an buaipui mekah rawtna chi hrang hrang 14 an thlen.

MSU hruaitute chuan, school syllabus-a tel tura rawtna an thlente chu tihhlawhtlin dan zawng turin an ngen a; SCERT Director chuan, MSU rawtnate chu an lo en zui zel tur thu leh, MSU-te nena thawkho zel tur an nih thu a sawi.