Rev. Dr H Vanlalauva vui a ni

Synod Moderator hlui Rev. Dr H Vanlalauva (77) w/o Lallianpui Khiangte (L) chu June 22, Pathianni dar 8:48 khan Ebenezer Medical Center-ah a thi a, nimin khan Leitan South Kohhran biak-inah vui a ni.

Rev. Dr H Vanlalauva hi November 1948-ah Leithûm khuaah a piang a, MA a zawh hnuah Hrangchhuana High School-ah headmaster a ni. Pathian kohna a dawn avangin Pathian thu a zir leh a, kum 1981-a BD a zawh aṭangin Aizawl Teological College-ah a thawk a, pro pastor a nih chhung pawhin a thawk. Kum 1987 aṭangin full time lecturer a ni a, kum 1999-2007 chhung Principal a ni. Kum 2007 Synod-ah moderator a ni a, January 2009 aṭanga a pension hnuah Serampore College hnuaiah a thawk leh a, Bible Society of India (BSI) Aizawl Auxiliary president a ni tawh bakah, hruaitu a ni mek a, Bible lehlinnaah dinhmun pawimawh tak a chelh bawk.

Rev. Dr H Vanlalauva hi a pum a nawm loh avangin June 17, 2025 khan Synod Hospital-ah a inentir a, chiang zawka enfi ah turin admit a ni. June 18-ah CT-Scan tih niin, cancer nia rinhlelh a ni a; June 20 khan Ebenezer Medical Center-ah dah luh niin, June 21-ah zai a ni. June 22 khan a dinhmun a ṭha lo zui a, zan dar 8:48-ah a thi ta a ni.