DGP thar tur Sharad Agarwal

Ministry of Home Affairs (MHA) chuan Mizoram director general of police (DGP) atan June 23, Thawhṭanni khan Sharad Agarwal, IPS a ruat.

Sharad Agarwal hi 1997 batch IPS a ni a, Delhi Police-a special commissioner (economics offenses wing) ni lai niin, Mizoram DGP ni lai Anil Shukla, IPS 1996 batch a thlak ang.

Mizoram sorkar chuan Mizoram DGP atana David Lalrinsanga, 1995 batch IPS a dil tawh a; mahse, sorkar laipui chuan Sharad Agarwal a ruat ta zawk a ni. Tun dinhmunah Mizoram mi IPS officer, direct recruit chu David Lalrinsanga chiah a awm.