PWD-in Bawngkawn & Vaivakawnah lei dawh leh leiverh siam an rawt

Aizawla kawngpui péngṭhuam lûn zual laia lirthei tlan tamna ṭhin Bawngkawn leh Vaivakawnah lirthei tâwt lutuk tihziaawm nan lei (bridge/viaduct) leh leiverh (tunnel) siam tura rawt a ni a; a siamna tur sum erawh a la awm lo a, ngaihtuah chawp tur a ni.

Chief minister Lalduhoma hnenah nimin khan PWD minister Vanlalhlana leh PWD department hotute'n Aizawla lirthei tlan tam zualna Bawngkawn leh Vaivakawn kawng péngṭhuam siam rem dan tura rawtnate an thlen. PWD rawtna thlente hi ruahmanna a ni a, a thawhna tur sum a la awm lo a, la dap chawp tur a nih thu sorkar thuchhuahin a tarlang.

PWD minister Vanlalhlana chuan, sorkar hmasa lamah Aizawla kawng péngṭhuam pawimawhte siam tumna a awm tawh ṭhin thu a sawi a, "A man a sangin a lian tham deuh ṭhin. Vawiina kan ruahman hi chu sum sêng tam lutuk loa kawng péngṭhuam pawimawh pahnih siamṭhat tumna a ni," a ti.

(Phek 2-ah zawm a ni)