Deputy Speaker-in sikul a tlawh kual

Assembly deputy speaker Lalfamkima chuan nimin khan a bial, Kolasib chhunga sikulte tlawh kualin a enfiah.

Lalfamkima hian Kolasib-a sorkar sikul hrang hrang tlawhin, class room-te a fang kual a; zirlaite leh zirtirtute a kâwm. Zirtirtute chu an dinhmun leh sikulin harsatna an tawhte a zawt a ni.

Nikuma Cyclone Remal vangin Kolasib district-a sikul 68-in harsatna an tawh thu sawiin Lalfamkima chuan, sikulte chuan sorkar aṭangin tanpuina an dawn thu a sawi a; ṭanpuina sum an dawnte chu tam tham lo mah se, ṭha tak leh ṭangkai taka hmang tur leh sikulin hma a sawn phah ngei theih nan hmang turin zirtirtute a chah.

Lalfamkima chuan, sikulin ṭanpuina sum an dawn baka sikul tihchangtlunna tur mamawh dangte pawh a ṭul dan azirin ngaihtuahsak a tum thu a sawi bawk.