Foreigner Identification Portal-ah raltlante chhinchhiah a ni dawn

Ministry of Home Affairs ruahman angin India rama ram dang mi raltlân awmte chu Foreigner Identification Portal-ah chhinchhiah an ni dawn a; Mizoramah pawh July 2025 aṭangin district tinah raltlante chhinchhiahna (biometric & demographic) kalpui a ni dawn.

Saitual district bawrhsap Dr Lalngura Tlau kaihhruaiin nimin khan a pisaah sorkar hotute'n raltlante chhinchhiah hna kalpui dan tur an sawiho a; raltlan chhinchhiahna kalpui turin DC Office, SP Office leh village council (VC) aiawhte telna team pahnih an din a, Saitual district-a khua/veng 13-ah hma an la ang. Saitual district-ah hian Myanmar raltlan 211 leh Manipur raltlan 244 an awm thu tarlan a ni.