Tribal certificate-ah Fimkhur turin ngen

Central YMA chuan thuchhuah siamin, tribal ni lote'n tribal certificate an nei ṭhin chu ṭha lo an tih thu an tarlang a, "Tun hnu zelah non-tribal ten tribal certificate an neih tawh lohna turin a pe chhuaktute fimkhur leh zual turin CYMA chuan a ngen a ni," an ti.

CYMA chuan, non-tribal hnena tribal certificate pek chhuahte sût tur leh pek chhuah a nih tawh loh nan vawi tam tak sorkar an ngen tawh tih an sawi a; tun hnaia chanchinbua Aizawl DC leh Serchhip DC office aṭanga non-tribal mi pahnihte hnena tribal certificate pek chhuah a ni tih a lang chu ṭha lo an tih thu an sawi bawk.