Children Science Congress buatsaih

November 3-4, 2016 chhung khan Science Teachers Association Mizoram (STAM)-in Pachhunga University College seminar hall-ah State Level Children Science Congress vawi 24-na an buatsaih a; chief scientific officer Dr RK Lallianthanga khuallian niin, inelnaah district tin aṭangin aiawh an tel.

Children Science Congress-ah hian Mizorama district pariat aṭangin project 31 a lut a, zirlaite'n science hmanga an thil zirte an sawifiah. Project ṭha zual 10-te chu national level-ah Mizoram aiawhin an kal dawn a; pariat chu National Children Science Congress-ah an kal ang a, pahnih chu Indian Science Congress-ah an kal ang.

Children Science Congress-a kum 2016-17 atana thupui chu, 'Science, Technology and Innovation for Sustainable Development' tih a ni a; thupui hi thupui tê pasa-rihah ṭhen darh niin, chungte hmang chuan zir-laite'n project an siam a ni.

National Children Science Congress hi kumin December 27-31 chhungin Pune-ah neih a ni dawn a; Indian Science Congress chu January 2017-ah Chennai-ah neih a ni ang.

National Children Science Congress-a tel turte

# Hming Sikul

1. Lalremsiama St. Paul's HSS

2. Vanlalawmpuia Chaltlang H/S

3. Vanlalchhanhimi Baptist HSS

4. Vanlalnelawma St. Paul's HSS

5. Babie Lalnunmawii Chinzah New Diamond School

6. Priscilla Lalrinhlui Mary Mount School

7. Lalnunthari, Bethel Mission School,Champhai

8. Vanlalsangzuala, Rosebud School

Indian Science Congress-a tel turte

# Hming Sikul

1. Lalremsiama Darchhun, St. Paul's HSS

2. Vanlallawmsangi Chaltlang H/S