MTP General Conference vawi 30-na

Mara Thyutli Py (MTP) chuan November 1-4, 2016 chhung khan Laki khuaa V Hlychho Opi Pandal-ah General Con-ference vawi 30-na an hmang a, mi 3,500 vel an tel.

Inkhawmpuiah hian November 2 leh 3 khan MTP president T Chatlua kaihhruaiin rorel a ni. An thurel zingah, Lawngtlai district paltlang loa Lunglei district-a luhna tur kawngpui, Romibawk-Mamte kaltlanga kawng siam rawtna leh Siaha district-a hnam dang trade license neite tihtawpsak tura thuneitute ngen rawtna a tel.

Kum 2016-17 chhunga MTP budget atan cheng nuai 22 an pawm a; kum 2016-2019 hruaitu atan president-ah PP Zalena, senior vice president-ah Martin L Nohro, vice president-ah L Beirangia, general secretary-ah C Siatha, treasurer-ah Vapodi leh assistant GS-ah Pakho Chozah-te an thlang. Mara Miss 2016 atan Gospel Khithi, Tuipang an thlan bawk.