Doctor sawn an niha khaihlakna siamte'n Hmalakna an tibahlah fo - Health Minister

Health department hotute chuan nimin khan Health minister Lal Thanzara hoin CMO conference hall-ah thil pawimawh sawiho. Health Minister chuan, "Doctor sawn an nih a, khaihlakna siamte hian hmalakna an tibahlah fo a ni," a ti.

Mizoramah mihring an pung zel tih sawiin Lal Thanzara chuan, "Thawktu lam, a bik takin doctor indaih lohna a nasa a, sorkarin mipui leh khaw hrang hrang mamawhna phuhrûk tura ruahmanna a siam leh doctor-te sawn kual a nih ṭhinnaah khawi maw laiah khaihlakna siam an awm ṭhin hian hmalakna kal mek a tihbahlah fo," a ti a; doctor sawnah rualkhai taka hma la tura ngaihtuahna sen a ngaih thu a sawi.

Health Minister chuan, an department chuan a huam zau a, mihring hnuk nena inkaihhnawih khawihtu pawimawh tak an nih avangin thawktute pawh fimkhur leh ngaihtuahna sênga thawh a ngai tih a sawi a, "Chuvangin, ngaihtuahho tur thil pawimawh tak tak a awm ṭhin a ni," a ti.

Meeting-ah hian Intergent Energy Ltd., New Delhi-te nen thuthlung (MoU) ziak a, damdawi-in ṭhenkhat - Aizawl Civil Hospital, State Referral Hospital, Champhai, Mamit leh Lawngtlai damdawi-inahte tui thianghlim supply tura solar pumping water bun a nih dan leh khawlin tui a supply ṭhat tawh loh dante sawiho a ni.

Hmalak zui theihna turin solar pumping water bunna hmun damdawi-ina medical superintendent ṭheuhte chu an din hmun bawhzui a, report kimchang tak thehlut tura hriattir nghal an ni.