Serchhip DC Conference hall-ah IT hman ṭangkai dan tur sawiho

Serchhip district-a sorkar pisate'n awlsam zawka mipuite tan hna an thawhna atan information technology an hman ṭangkai dan tur nimin khan DC conference hall-ah sawiho a ni a, DC Dr Lalrozama'n a hmanpui.

Dr Lalrozama chuan, tunlai khawvelah IT-in awlsamna a thlen nasa tih sawiin, "Ṭangkai takin department tam takin an hmang mek a. Chutih laiin, tuna kan thlen china lungawi mai lo a, hei aia hlâwk zawk-a mipui leh sorkar indawrna kawngah IT kan hman tam lehzual theih nan inrâwnkhawmna hi buatsaih a ni," a ti.

Meeting-ah hian Serchhip khawpuia head of office, Serchhip District Joint Village Council hruaitute leh YMA Sub-Headquarters hruaitute an tel a; Mizoram State e-Governance Society-a IT engineer-te'n Mizorama hma an lak dan te, department leh district office-te'n an hman
ṭangkai theih an programme neih sate an sawifiah a ni.