NEDP-ah nuai 17271.10 hmanna tur Project hrang hrang pawm a ni tawh

Mizoram sorkar chuan policy thar a duan, New Economic Development Policy (NEDP) kalpui turin project chi hrang hrang leh sum hman zat tur a pawm tawh a; project a pawm tawha sum hman tur tihfel tawh zat chu cheng nuai 17271.10 a ni. Hei bakah hian, NLUP nena kal kawptir turin cheng nuai 3200 a pawm tawh.

Planning secretary Dr C Vanlalramsanga hnen aṭanga thu dawn danin, NEDP kalpui tur hian commi-ttee hrang hrang din a ni a; Administrative Reforms Committee chu Chief Secre-tary kaihhruaina hnuai-ah dahin, January 2017-ah report thehlut tura tih a ni. Land Reforms Committee pawh din a ni a, Chief Secre-tary thoin a kaihruai dawn.

Sorkar official data leh statistics tichak turin BPL Base-line Survey kalpui mek a ni a, Public Financial Management Reforms kalpui turin Procurement Manual leh Standard Bidding document ruahman tur a ni bawk.

NEDP Core Committee-in scheme leh project hrang hrang kalpui tur a pawm tawh zingah hian, agriculture leh a kaihhnawih (Agriculture & Allied Sector) atan cheng nuai 1050 ruahman a ni tawh a, Industry Sector-ah nuai 1081.02 dah a ni tawh.

Service Sector-ah cheng nuai 1490 dah a ni a; Infra-structural Development Sector-ah cheng nuai 9200 dah a nih bakah, Infrastructural Development Sector-ah tho Operation & Maintenance atan cheng nuai 2000.08 dah a ni. Special NEDP Project atan cheng nuai 1350 dah tawh a ni bawk.

Project pawm tawh leh chumi atana sum ruahman tawhte hi a taka thawh leh hman a la ni lo a; chutih laiin, sik leh sa inthlak danglamna titlem turin action plan atan hna thawh mek a ni a, chuta tan chuan cheng nuai 100 an dah. Labour, Employment and Industrial Training department-in Skill Dvelopment Policy tur an kalpui mek bawk a ni.

Heng bakah hian, NLUP convergence atan Hor-ticulture link road siamna tur leh NLUP kalpui zel nan cheng nuai 3200 pawm tawh a ni bawk.

NEDP-a project pawm tawhte

(Pawisa hi nuai bi zela dah a ni)

AGRICULTURE & ALLIED SECTOR

Purùn sen chînna atan 160.00

Rice Mill dinna atan 80.00

Párbáwr leh aieng chin nan 200.00

Market yards leh Market Information System ruahmanna 610.00

INDUSTRY SECTOR

Thenzawla Handloom Export Facilitation Hub atan 722.10

Skill Development Centre, Lunglei atan 158.92

Entrepreneurs Development Scheme atan 200.00

Note: Initiative for Ease of Doing Business Schemes pawm tawh a ni a, action plan

duan mek a ni.

INFRASTRUCTURAL DEVELOPMENT SECTOR

Agriculture link road siamna atan 2600

Thingtlang khuate tihhmasawn nan 2000

Khawpui tihhmasawnna atan 1500

Tui supply tihchangtlunna atan 500

Power supply tihchangtlunna atan 500

Thingtlang khaw kar kawng tihṭhat nan 2100

INFRASTRUCTURAL DEVELOPMENT (Operation & Maintenance)

Vanapa Hall chei ṭhatna 178.45

Kawngpui hrang hrang enkawlna 800.00

Water supply enkawlna tur (service level) 340.51

Power supply enkawlna tur (service level) 340.51

Khawpui tihhmasawnna (service level) atan 340.51

SERVICE SECTOR

District hospital hrang hrang tihchangtlunna 900

HSS/model school-a class room siam belhna 490

Tourist facilitation (home stay project) tihchangtlunna 100

Note: Improvement in Ease of Doing Business Schemes and Public Service Delivery through IT scheme pawm tawh a ni a, DPR duan mek a ni.

Special NEDP Project

Aizawla kawng pengṭhuam siamṭhatna 650

New Secretariat Complex tihphuisuina 50

Legal Metrology thuam ṭhatna 25

Drugs & Food Safety tihchakna 25

Chief Minister’s Rural Housing Scheme atan 600

Note: State Referral Hospital tihchantlunna tur project pawm a ni tawh a,

DPR buaipui mek a ni.