Kaskau-a Bru enfiah hna zawh fel a ni

Tripura-a Bru relief camp paruka Mizoram mi Bru-te November thla tawp lama lak let
ṭanna tumnaah, Kaskau camp-a mite endik hna chu November 5, 2016 khan zawh a ni.

Mamit DC Lal-biaksanga sawi danin, Kaskau cam-a Bru, Mizorama lak lêt theih tura enfiah zawng zawng chu chhungkaw 578-a mi 3,849 an ni a; chu'ng zinga chhungkaw 548-a mi 3,631 chu Mamit district-a dah tur niin, chhungkaw 30-a mi 218 chu Kolasib district-a dah tur an ni.

Inrinni bikah chuan Mamit district-a dah tur chhungkaw 95-a mi 683 enfiah an n a, Kolasib district-a awm ṭhin chhungkaw pakhata mi panga enfiah an ni.

Indentification team hian nimin khan Khakchangpara camp an pan a, vawiin aṭangin Khakchangpara-a mite an enfiah ṭan leh nghal ang.