Minister hlui leh MJA President hlui J Lalthangliana vui liam a ni

Mizoram Assembly-a MLA hlui leh MJA pre-sident hlui J Lalthangliana (80), Mizo Arsi editor
ṭhin chu November 5, 2016 zan dar 7:20 khan Synod Hospital-ah cancer vangin a thi a; a nupui Darhlupuii Thangluah leh a tu leh fate a kalsan. Nimin khan Upper Republic-a an inah vûi a ni.

Kum 1936-a Lung-tian khuaa piang J Lal-thangliana hi zirna lamah BA a ni a; hna hrang hrang a thawh hnuah kum 1977-ah Highlander chanchinbuah a thawk a, February 21, 1979-ah ni tin chanchinbu, 'Mizo Arsi' a tichhuak ṭan.

Kum 1981-ah MJA President-ah thlan a ni a, a záwnin kum nga thlan a ni. Kum 1983-ah kar tin chhuak 'Sakeibaknei' chanchinbu a tichhuakleh a, a chanchinbute hi tun thlengin chhuah a chhuak.

J Lalthangliana hi Mizoram sorkar chuan May 24, 2016-a 'Pro-minent Press Repre-sentative' atana a puan mi panga zingah a tel.

Mizo Union-ah Secretary General a ni ṭhin a, People's Party (PC)-ah lutin, General Secretary a ni. Kum 1998-a Assembly inthlanpuiah PC ticket-in Phuldungsei bial
aṭangin MLA atan thlan tlin a ni a, Minister of State niin, Art & Culture leh Tourism department-te a enkawl ṭhin.