Essay inziahsiak lawmman sem

India khua leh tui, vote neite'n vote thlak an ngaih pawimawh theihna tura inelna, Systematic Voters' Education and Electoral Participation (SVEEP) hnuaia Aizawl district-a higher secondary school zirlaite tana Essay Writing Competition buatsaih a ti ṭhate chu November 4, 2016 khan Aizawl DC pisaah lawmman hlan a ni.

Essay inziahsiakah hian Aizawl district-a higher secondary school 12 aṭangin zirlai 37 an tel a, 'Ram leh hnam humhalhna atana electoral roll dik leh felfai neih pawimawhna' tih leh, 'Vote thlak hi khua leh tui ṭhate mawhphurhna a ni' tih thupui hmangin an intih-
siak a; lawmman semna hun hi Aizawl additional DC Lalchungnunga'n
a kaihruai.

Essay Competition-ah hian C Vanlalruatpuia, Class XI, Mizo HSS chu pakhatna a ni a; C Lalnundika, Class XI, Mizo HSS leh Jefanet Lalmuanpuia, Class XI, Republic HSS ten an dawt. Pakhatnain Rs. 5,000, pahnihnain Rs. 3,000 leh pathumnain Rs. 2,000 an dawng a; mi panga hnenah consolation prize Rs. 1,000 ṭheuh pek a ni bawk.