IT hman ṭangkai dan tur sawiho

8th November, 2016

Mizoram State e-Governance Society chuan, tun hnai khan Serchhip DC conference hall-ah ṭangkai zawka information technology hman dan tur sawihona an buatsaih.

Meeting-a tarlan a nih danin, April 1, 2016 aṭanga ni October 25, 2016 chhungin Serchhip district-a Common Services Centre (CSC) 15-ah income certificates, permanent residential certificates, residential certificates leh tribal certificates dilna 2,662 a lut a, document thil tel ngai leh dilna form fill-up kim tawk loh
avanga dilna hnawl sak hi 442 a awm.

Common Services Centre version 2 kalpui mek a ni a, he mi hnuaiah hi chuan mi tupawh, mahnia computer, printer leh mamawh dang intum theite chu Centre (VLE) atana thlan/thawhpui thei vek an ni tawh dawn a, dilna hun hawn mek a ni.