MPC-in gas phurh lawmawm an ti

MPC party office bearer-te nimina an party pisaa an senior vice president Vanlalhlana hoa ṭhukhawm chuan thuchhuah siamin, "Central YMA-te’n ram leh mipuite hmakhua ngaia theihtawp an chhuahna azara November 5, 2016 aṭanga Mualkhang aṭanga gas phurh chhuah a ni ta hi lawmawm kan ti," an ti.

MPC chuan, gas Mizoram mipui harsatna daihzâi taka sutkian a nih theih nan tun aia tam zawka gas phur tur truck ruahman vat turin Mizoram sorkar an ngen a; Tlabung leh a chhehvel khaw hrang hrangte’n sum tam tak sénga Lungleia gas lâk ngai khawpa kawng chhiat vanga harsatna an tawh chu a rang thei ang bera sukiang turin sorkar an ngen bawk.

MPC hruaitute chuan, kum 2018 inthlanpui awm turah MPC party-in sorkarna fawng a chelh ngeina turin kawng hrang hranga an hmalaknate theih-tawp chhuaha chhun--zawm zel an rel a, "No-vember thla aṭang hian khawpui chhungah leh thingtlang lamah ngawrh taka campaign ni se," an ti.