New Serchhip MRB-in IFSC dik lo an hmang

New Serchhip MRB Branch chuan bank passbook an print chhuahah Indian Finan-cial System Code (IFSC) dik lo an hmang char char tih tun hnai khan hriat chhuah a ni a; Serchhip Consumer Association chuan siamṭha turin an ngen.

Serchhip aṭanga thu dawn danin, New Serchhip MRB hian IFSC print chhuahah SBINORRMIGB ti hlirin an print a, a dik zawk chu SBIN0RRMIGB a ni. A dik lohna/inan lohna chu '0' (zero) leh 'O' a ni a; en maiin inang hle mah se, computer-a dah luhnaah a inperhsan theih viau avangin computer-in IFSC dik lo angin a hmu ṭhin niin an sawi.

Bank IFSC dik loh vang hian zirlaite'n scholarship an dilnaah pawh nghawng a nei lian hle niin an sawi a; IFSC dik lo passbook-a a awm reng chuan customer-te tan harsatna lian zawk a la thlen thei dawna an hriat avangin Serchhip Consumer Association chuan a rang thei ang bera siam dik turin an ngen a ni.

Hemi chungchangah hian Serchhipa Consumer Assiation hruaitute chuan nimin khan New Serchhip MRB manager Vanlal-thlana chu a pisaah lènchilhin, IFSC dik lo an sawipui. Vanlalthlana chuan, IFSC dik lo chu anmahni tihṭhat mai theih a nih loh thu leh hmunpui lam aṭanga a set dik loh palh a nih a rin thu sawiin, a rang thei ang bera siam-
ṭhat a nih theih nan hma a lak nghal tur thu a sawi.