Zangnadawmna hmuh belh tumna Gauhati High Court-in a hnâwlsak

Gauhati High Court, Aizawl Bench chuan tun hnai khan thutlukna siamin, Lungrang, New Lungrang, Lungrang South leh Chawngte khuaa mi 24-in kawngpui laih tura zangnadawmna pek belh an dilna a hnâwl.

Sorkar ukil Samuel Vanlalhriata hnen aṭanga thu dawn danin, mi 24-te hian agreement-ah hming ziakin, sorkarin an ram lâkna man pawisa an dawng vek tawh a ni. Zangnadawmna tam zawk an hmuh theihna atan mi 24-te hi Gauhati High Court-ah an zualko a, agreement chu tihluihnaa ziahtir angin an insawi.

Samuel Vanlalhriata chuan, agreement Mizo
ṭawnga leh a nih hnuah mi 24-te chu hming ziahtir an nih thu te, tihluihna a awm loh thu te, lungawi taka sum an lak thu leh, agreement-ah lungawi lo se agreement chu khin tur a nih thute Court a hrilh a; Supreme Court ruling hrang hrangte a thehlut bawk.

Gauhati High Court chuan mi 24-te ukil leh sorkar ukil thusawi a ngaihthlak hnu leh ruling lo awm tawh hrang hrang aṭangin thutlukna a siam a, mi 24-te dilna chu a hnâwl a ni.