Tlabung-Kawrpuichhuah kawng sial ṭan

Tlabung leh Kawr-puichhuah inkalpawhna tur kawngpui sial hna chu thawh ṭan a ni tawh. He kawng siam nan hian World Bank sum cheng vbc. 77 chuang ruahman a ni.

Tlabunga-Kawr-puichhuah panna kawng-pui sial ṭhat hna hi ABCI-te'n an thawk a; August 12, 2016-a inremna ziah a nih hnuah September 16 kha hna ṭan hun tur a ni a, mahse, chhan hrang hrang vangin a hun takah hna an ṭan thei lo a ni.

Kawng sial hna hi kum thum chhunga thawh zawh tura tih a ni a; kawngpui hi km. 18-a thui ni mah se, World Bank sum hmanga sial
ṭhat a nih hnuah chuan km. 11.85-a thui a ni ang. Kawngpui hi metre 12-a zaua siam tur a ni. Kawngpuiin a sut chhiat tur ram neitute chu kumin kum laihâwl khan zangnadawmna pek an lo ni tawh.

Kawngpui hian ramri bula India leh Bangladesh insumdawn tawnna hmunpui tura ruahman Kawrpuichhuah a pawh dawn a ni.