KHAWTHLIR

Joint KTP din

Kum 2020-a KṬP General Conference thleng tur Serchhip khuaa KṬP branch/bial hrang hrangte chuan Joint KṬP an din a, hruaitu tur an inruat nghal. Serchhip khawpui chhungah KṬP bial pathum, Serchhip bial, New Serchhip bial leh Serchhip Vengchung bial-te an awm a ni.

ATM hawng

Aizawl District & Session Court-a Federal Bank-in ATM booth an dah thar chu, nimin khan District & Session judge Lucy Lalrinthari'n a hawng.

Ding dawn lo

Mizoram Bar Association (MBA) member-te chuan naktuk hian Lammualah an intihhlimna hun an hmang dawn a, hei vang hian naktukah ukilte chu Court-ah an ding dawn lo.

Ngenna siam

Republic Vengthlang Local Council hnuaia Road Protection Committee (RPC) chuan thuchhuah siamin, Republic Veng Field, Taekwondo/Powerlifting Hall leh Hawla Indoor Stadium hmang turte chuan parking chungchangah RPC hriattir hmasa tur leh, dan an siamte zâwm turin an ngen.

Statistics zirho

Pachhunga University College-a Department of Statistics leh Sampling and Official Statistics Unit, Indian Statistical Institute, Kolkata ṭangkawp chuan nimin khan PUC-ah '4th Workshop on Official Statistics in North Eastern States' tih hmangin zirhona an buatsaih a, Higher & Technical Education minister R Romawia'n a hmanpui. Workshop hian November 11, 2016 thleng a awh ang.

Loneitute zirtir

KVK, Champhai district chuan nimin khan Ngopa-ah 'Protection of Plant Varieties & Farmers' Right Act, 2001' chungchang kut hnathawktute an zirtir. He dan hi thlai leh thei chi ṭha zawk neih theih nana variety awm sate humhalh leh chumi kawnga thâ thawhtu leh neitu, kut hnathawktute dikna leh chanvo humhalh nana India sorkarin a siam a ni.