KHAWTHLIR

SBI-in thisen pe

State Bank of India (SBI) Regional Business Office chuan nimin khan an hmunah thisen pek an huaihawt a; Civil Hospital, Aizawl tan thisen unit 21 an pe a, petute mipa 16 leh hmeichhia panga an ni.

MRB-in khawl pe

Mizoram Rural Bank chuan Civil Hospital, Aizawl hnenah nimin khan Ophthalmology department hman turin mit enna chi hnih - Heine Beta 200 (mit pawnláng enna) leh Heine Indirect Ophthal-moscope Omega 600 (mit chhungril enna) an pe. Khawl pahnih hi MRB chief manager Isaac Lalfamkima Sailo-in Civil Hospital Ophthalmology HoD Dr Lalhuthangi Hmar hnenah a hlan a ni.

CSR inhrilhfiah

Mizoram CSR Cell leh Confederation of Indian Industry (CII) te chuan tlawmngai pawlte leh corporate social responsibility (CSR) implementation agency-te pualin nimin khan IPR Auditorium-ah CSR chungchang inhrilhfiahna an buatsaih a; Mizoram CSR Cell chairman TBC Lalvenchhunga, adviser to CM-in a hmanpui.

MULCO khawmpui

Mizoram Milk Producers Cooperative Union Ltd (MULCO) chuan nimin khan an conference hall-ah Annual General Meeting vawi 29-na an hmang. Inkhawmpui hi MULCO chairman C Lalrammawia'n a kaihruai a, Cooperative Society registrar John LT Sanga leh National Dairy Development Board regional head Dr Sabyasachi Roy ten an hmanpui a ni.

Kawng thian fai

ZPM, Champhai North Block hruaitute leh Champhai Vengsang unit chu nimin khan an hnatlang a; Champhai Bawrhsap pisapui leh Champhai District Hospital kawnga leiminin kawngpui a hnawh pinte an thian fai. Hnatlangah hian JCB panga leh tipper 20 chuang an thawh chhuahpui a ni.