Heroin kawltu kum 10 chhung jail tâng turin court-in a hrem

Heroin gram 512 (hawng 42) kawl vanga man Jalal Hussain Barbhyia (26), Kaptanpur Part-3, Silchar chu Kolasib Fast Track Court-in kum 10 chhung jail-a tâng tur leh Rs 1,00,000 chawi turin a hrem.

Jalal Hussain Barbhyia thubuai chungchangah hian Kolasib Fast Track Court judge R Vanlalena chuan nimin khan thutlukna leh hremna tur a tichhuak a; hrehawm taka kum 10 chhung táng tur leh Rs 1,00,000 chawi turin a hrem a; pawisa chawi tur a chawi loh chuan thla 6 dang tàn belh turin a ti bawk.

Court thuremnaa tarlan danin, Saiphai Police Outpost-a duty Mizoram Police-te chuan September 19, 2023 zan dar 10 velah Manipur aṭanga Silchar pan tur Bolero AS-11 E-6535 an endiknaah lirtheia chuang Jalal Hussain Barbhuyia hnen aṭangin heroin hawng 42 an man a, cheng nuai 50 hùa chhût a ni.

Jalal Hussain Barbhyia lakah hian police-te chuan NDPS Act Section 21(c) tlawhchhanin thubuai an ziak lut a; thuhretute leh finfiahna hrang hrang hmangin Kolasib Fast Track Court chuan thiam loh a chantir ta a ni.