MLA-in mi 20 admission a tihsak

Aizawl South-II bialtu MLA Lalchhuanthanga chuan nimin khan a bial chhunga Salvation Army enkawl mek Muanna Ina naupang 20 tan 3rd Battalion MAP English Medium School-ah admission a tihsak.

Lalchhuanthanga chuan, zirlaite thiamna tak tak neia hlawhtling tur chuan sikul enkawltute leh zirtirtute an pawimawh tih sawiin, "Hmangaihna leh dawhtheihna nen theihtawp chhuaha naupangte enkawl a ngai. A taka hmangaihna leh duhsakna kan lantirna leh mi dang tana malsawmna thlentu kan nihna hian malsawmna tam tak a keng tel a ni," a ti.

Aizawl South-II MLA chuan, 3rd MAP English Medium School-in hma a sawn zel theih nan theihtawp a chhuahpui zel dawn thu sawiin, mamawh leh harsatna an neihte chu a hnena thlen ṭhin turin a chah a ni.