Police leh BSF-in silai mu 3,008 an man

Border Security Force 191 Bn. leh Mizoram Police-a CID (Special Branch) leh Bawngkawn Police Station ṭangho chuan June 24, Thawh-lehni khan Seling daiah silai mu (7.67 mm) 3,008 an man.

BSF, CID (SB) leh Bawngkawn PS mi leh sate chuan an thu dawn bawhzuiin joint operation an nei a, Bolero pick-up MZ-04 1935, Lalawithanga (48) s/o Luahkima (L), Zuangtui khalh aṭangin silaimu 3,008 an man a, cheng nuai 16.54 hûa chhût a ni. Silai mu man chungchangah hian Bawngkawn PS-ah thubuai ziah luh a ni.